Wayak lampung sesol mak haga mena

Ajo kabar bekhita
Kabar ni tiyan dudi
Lain kik neram dija
Kariloh macam sinji

Dunia kiser tuha
Semapu dilom rinci
Dusa injuk pahala
Ratong ngalilik dikhi

Nginom dalih narkoba
Judi apikelagi
Buzina dipa ipa
Tingkahlaku di bumi

Kanjak lagi sekula 
Ya nyepok jati dikhi
Kira salah renglaya
Allah tuhan ku rabbi

Nginom dalih ngaganja
Guai burani-rani
Ria muneh kik zina
Pagun ya tilapahi

Mak beni tangih saka
Kirak cadang do dikhi
Buntu segala-gala 
Sekula api lagi

Andah bangik tirasa
Mula mak sadar dikhi
Ngatas nama kon cinta
Laju guwai mak terpuji

Laju mak pira saka
Astawa mawat beni
Kuruk bulan kelima 
Ya beku jadi upi

Ampai hiwang tirasa
kejung nihan ti biti 
Sunyin mawat buguna
Kik sesol ratong duri

Jak tumbai hingga ganta
Waspada hakhi-hakhi
Sesol mak haga mena
Penyin dalih pestiti

Nah menah tuhan murka
Menok tingkah di bumi
Pikerpai ulang rasa
Semekung mula pahi

(Kilu angkon rik andan)

Share :