Wayak lampung part 2

Mak ikin dipubanding
Tilah nyak kalah mena
Nyak tungkah niku daging
Nyak lesom niku gula

Umpama niku ading
Anak tuha ni raja
Sighi dikhi ku ninding
Haga nutuk sayembakha

Halok do dikhi sighing
Niku yu lawok bana
Umpama dikhi lading
Niku yu besi tuha

Kinyak yu kayu khanting
Niku kumbang makhega
Nanyak lamon sai gekhing
Tinggal ngucakko kahaga

Tilah mawat sebanding
Lancung jama pekhmata
Khugui nyak kantu makhing
Andai ngucakko kahaga

Kik gekhing sangun gekhing
Kuandan anjak saka
Cuba timbang pai ading
Haropan sekam dija

Timbang lebeh jak dacing
Sukokh suwa khasa
Najin mawat sebanding
Khepa pai inda inda

Najin pak kayu khanting
Tekhok hurik jejama
Walau pakya way sikhing
Tekhok nyampai khumasa

Share :