Wayak lampung part 1

Sakik do kindo sakik
Malang tuwoh sai ngukha
Nguntai ko candung kawik
Kuruk lom pulan tuha

Kuk kijang mekik pekik
Mak ubah ngahahanja
Allah hu kidah kantik
Nekham sa jaoh bida

Mejaoh jak sai ramik
Mak muneh butatangga
Tikanik kuk sai ridik
Sai barih mawat ngada

Ngalinting rukuk mulik
Campor kelanting saka
Nginom wai kupi pahik
Tangih haga busuwa

Kawai kiyang di kulik
Khia munih celana
Tipakai ki pak cabik
Khadu tampalan lima

Kebun sa nguwah cutik
Maklum ya kupi tuha
Di salai sekhom jungkik
Mak sangkut kuruk mata

Kekala injuk silik
Kaleleh muneh celana
Mansa do uleh cutik
Tungkop muneh di kheba

Mak sehahaga meredik
Khabai jama PPA
Hp mak kasi ti pik
Mak lepas jak raraba

Allah hu mati sakik
Kapan kak ti babaca
Si miskin tambah sakik
Si pawar tambah kaya

Kidang payu da kantik
Lalakun di dunia
Najin ya pahik sakik
Busukor mak kik lupa

Ibadah ralang ti pik
Bukilu di sai kuasa
Kalau ya nungga bangik
Gegoh di indai kanca

Share :